കായക്കൊടി
ഗ്രാമ പഞ്ചായത്ത്

കോഴിക്കോട് ജില്ലയില്‍ വടകര താലൂക്കില്‍ സ്ഥിതി ചെയ്യുന്ന ഒരു മലയോര ഗ്രാമപഞ്ചായത്ത് ആണ് കായക്കൊടി. നരിപ്പറ്റ, കാവിലുംപാറ, മരുതോങ്കര, കുറ്റ്യാടി, കുന്നുമ്മല്‍ ഗ്രാമപഞ്ചായത്തുകളുമായി അതിർത്തി പങ്കിടുന്ന ഈ പഞ്ചായത്ത് 28.14 ചതുരശ്ര കിലോമീറ്റർ വിസ്തൃതിയില്‍ 2011 ലെ സെൻസസ് ഡാറ്റ പ്രകാരം 24578 ആളുകള്‍ താമസിക്കുന്നു. 2025 ലെ വാർഡ് വിഭജന പ്രകാരം 17 വാർഡുകള്‍ ആണ് ഈ ഗ്രാമപഞ്ചായത്തില്‍ ഉള്ളത്.

സമതലങ്ങള്‍, നെല്‍വയലുകള്‍, കുന്നിൻ പ്രദേശങ്ങള്‍,തോടുകള്‍ എന്നിവയെല്ലാം കൂടിചേർന്ന ഭൂപ്രകൃതി ആണ് ഇവിടെ ഉള്ളത്. തെങ്ങ്, കവുങ്ങ്,റബ്ബർ,നെല്ല്, വാഴ മരച്ചീനി, കുരുമുളക് മറ്റ് ഇടവിളകള്‍ ആണ് ഇവിടുത്തെ പ്രധാന കൃഷി.

മുട്ടുങ്ങല്‍ പക്രംതളം സംസ്ഥാന പാതയാണ് ഈ ഗ്രാമപഞ്ചായത്തിലൂടെ കടന്നുപോകുന്ന പ്രധാന പാത. സമുദ്ര നിരപ്പില്‍ നിന്നും ഏകദേശം 2000 അടിക്ക് മുകളില്‍ സ്ഥിതി ചെയ്യുന്ന കൊരണ മല ആണ് ഈ ഗ്രാമപഞ്ചായത്തിലെ പ്രധാന വിനോദ സഞ്ചാര കേന്ദ്രം.